ТРЕБНИК ПЕТРА МОГИЛЫ: МОЛИТВЫ ЗА ВОИНОВ

Поскольку ситуация требует неординарных действий, командиры Харчевни решили обратиться к нашему наследию, а именно, молитвам, которые читались в 17 веке украинским духовенством за победу реестрового казачества и войска Запорожского.

В заголовке одной из них прямо указано “за царя или гетьмана…”

Сразу надо сказать, что тексты, которые  встречаются в соцсетях,  как происходящие “из Требника Петра Могилы”, зачастую таковыми не являются.  Такие “молитвы” могут быть скомпилированы из магических заклинаний, поэтому обращайте внимание на соответствие незнакомых текстов христианскому мировоззрению! Никаких обращений к нечисти, проклятий, попыток “победить зло злом”  настоящие молитвы содержать не должны!

Итак, некоторые молитвы из тома третьего современного (1996г.) переиздания Требника Петра Могилы.

Это наша собственная адаптация  к современной орфографии молитв из Требника, впервые изданного в 1646 году. Язык и пунктуация оригинала сохраняются.

ЗА ЦАРЯ И ЛЮДЕЙ ВО ВРЕМЯ БРАНИ

Молитва первая, о победе на враги царю и воям его, на брань идущим


https://farm5.staticflickr.com/4256/35052707993_b35c8a9422_o.jpgГосподи Боже наш, премудростию Своею, и словом единым вся человеческая соделавый, и воедино неизреченною Твоею силою и действом собравый и сочетавый, вся бо возможна Тебе суть, и не невозможно ничтоже.

И сего ради времена, и лета, и годы Своим Божественным повелением совокупив и сочетав, составил еси един сей видимый мир, ибо простре яко кожу и того пречудно множеством согущенных звезд  упестри, и присно движимое им течение дав, в чину положил еси сия, хранити свой предел, еже отнюд неповреждати нас, но движением своим чинным по воле Твоей к пользе нашей безпрестанне тещи: солнце же положил еси в свете и обласех дневи, и луну в обласех нощи: землю же невидиму сущую перве и темную открыв, преобразил еси  в доброту, человеческаго ради естества, и над всеми на ней и в мори сущими, и на воздусе паренствующими птицами, человеку владети повелел еси, чиннаго ради во всем строения.

Ты и множество оно, тмочисленный род  еврейский  из Египта извед, в чину и единомыслии к земле обетованной, посылая Моисея, над ними десницею Твоею и крепкою мышцею  людоводителя поставил еси, единого вождя и начальника им того подав, и того мудрым строением  от  Тебе ему дарованным сохранил еси их в Своем крове под державною Ти рукою невредимых от многих и различных врагов: Ты и ныне Святый Царю славы, верного царя нашего, ему же благоволил еси  владети над нами благослови, премудрость же, совет благ, крепость, силу, и мужество, и победу  с небесе на возстающия на ны безбожныя враги, милоствно подаждь.

И якоже с Авраамом, иногда враги своя погнавшим путешествовал еси, и Божественною Ти силою враги его в руцы ему предал еси, сице и ныне смиренно молим Тя, рабу Своему, царю нашему (имя рек) сопутешествуй и побори понем на враги наша, и покори тех под нози его.

И якоже Моисеем еврейский род,  от горькия работы фараона, того непреоборимою ти силою с  вои потопив свободил еси, и ныне рабом Твоим, царем нашим , от враг налегающих нам, всесильною Ти десницею тех победно избави.

Гедеона силою Твоею укрепивый,  и тем сопротивных множества стерый, и в ничтоже обративый: и ныне раба Твоего, царя нашего, небесною Ти крепостию и мужественна и крепка сотворив, победи сотри враги наша.

Царя и пророка Своего Давида, на прегордаго и хульнаго борца Голиафа укрепивый, и тем того низложив погубивый: и ныне царя нашего и христолюбивыя вои его, сильною Ти десницею подкрепив, дерзновенных и сильных в бранех сотвори, и страшных и грозных врагом покажи, яко да тех враги узревше, в бегство свое дерзновение претворят, и под ногама верных Твоих, Ангелом Твоим погнани и поражени падут.

Ей Господи Боже наш, услыши мя смиренного и недостойного раба в час сей, и не остави жезла нечестивых, на жребии верных своих: но подаждь  рабу Твоему царю нашему мирное и безмятежное царство и всякия междоусобныя брани и мятежа и войны того избави: и вышша всех бед и нужд сотвори: и вся вражды и крамолы возстающия на державу его разруши.

Непреоборима же Твоею непобедимою силою от всякого вражьего навета и нашествия того избави: воя же его везде на все враги укрепи, и в единомыслии и праведном повиновении сочетай, и мир глубокий и безмятежный и победу на всея сопротивныя, на земли и на мори им подаждь, вся яже на пользу душевную и телесную им всегда подавая, яко да воздвигаемыя на ны брани и молвы отрясаше, едиными усты и единым сердцем прославим Тя, чудесем Бога.

Ты бо еси Царь мира, и Спас душам нашим, и Тебе славу возсылаем, Отцу , и Сыну, и Святому Духу, ныне и присно, и во веки веков.

Аминь.

Молитва третья о победе на враги царю или гетьману, и воем его на брани идущим

Господи и Боже наш, Единый крепкий и сильный в бранех: Единый имея власть живити и мертвити, всех сердца в руце своей имеяй,  и по воле Твоей емуже сам хощещи, достойным даеши крепость и мужество, и победительны и безнадеждных на враги являеши: немощных руку подкрепляеши, сильных же сердца болезненны и слабы твориши,  и советы их разаряеши, и мужество и дерзость их в малодушие и бегство претворяеши.

Ты Аврааму на пленивших Лотова сына брата его, в малем числе людей,  призвашу Тя на помощь, победу даровал еси, и с многою корыстью возвратил еси.

Ты Гедеона древле на крепость Твою уповавшего, с  треми сты мужей, трубы и огнем, и водоносов сокрушением, безчисленное множество мамдиамлих вой устрашив, в бегство претворил еси, и сто и два десят тысящ побил еси.

Ты и Давиду отроку Твоему в многих и тяжких бранех, на тя уповавшему, и от Тебе помощь поискавшему, силу и крепость, и мужество, и победу даровал еси.

Ты и ныне, Отче всесильный, преблагий и всемилостивый Владыко, призри на нас недостойных рабов Твоих, в смирении и покаянии пред лицем славы Твоея припадающих, и Тебе самого единаго истиннаго в Троице Cвятей славимого Бога, верою призывающих, и от Тебе единаго помощь и заступление ищущих, и подаждь царю нашему (или гетьману, имя рек) и христолюбивому его воинству силу и крепость, дерзновение и сердце мужественно, сопротив врагом нашим, собравшимся растрерзати нас и святая наша, и погубити нас и веру нашу православную ищущих: врагом же нашим вложи страх и трпепет в сердца их, и малодушных, и безнадеждных сотворив, в бегство дерзновение их претвори, и под ноги верных своих покори, яко да увидят вси языцы, яко мы людие Твои суще, имамы Тебе избавляющего, и спасающего нас из руки врагов наших.

Несть бо разнества пред Тобою Богом небесным, неже спасти во мнозе и в мале: не во множестве бо вой одоление брани есть, но от Тебе с небесе крепость дается за веру Святую яже в Тебе, и за законы Твоя, и за душу свою ополчающимся.

Ты бо еси крепость заступление и спасение людем Своим, и Тебе славу, честь и поклонение возсылаем,  Отцу , и Сыну, и Святому Духу, ныне и присно, и во веки веков.

Аминь.

Вернуться к оглавлению раздела