Кондак 1
Избранный от диавольского служения и к лику святых сопричастный,
священномучениче Киприане, моли Христа Бога избавитися от сетей лукавого и побеждати мир, плоть и диавола, да зовем ти:
Радуйся, священномучениче Киприане, скорый помощниче и молитвенниче о душах наших.
Икос 1
Ангельские силы удивишася, како от художества волшебнаго обратился еси, Богомудре, к познанию Божественному, покаянием обрел еси Ангельское житие, мы же, обращению твоему дивяшиеся, вопием таковая:
Радуйся, обращением твоим ангелов удививый.
Радуйся, лик святых возвеселивый.
Радуйся, мудрость свою показавый.
Радуйся, Христа венец приявый.
Радуйся, яко тобою бесы отгоняются.
Радуйся, яко тобою болезни исцеляются.
Радуйся, священномучениче Киприане, скорый помощниче и молитвенниче о душах наших.
Кондак 2
От художества волшебнаго обратился еси, Богомудре, к познанию Божественому, показался еси миру врач мудрый, исцеления даруя, чествуем тя Киприане со Иустиною, о нас же молися человеколюбцу Владыце спасти души наша, поющих: Аллилуйа.
Икос 2
Разум несовершен и разумлению усердно трудился еси, изучая демонские хитрости; познав их слабости и боязнь Креста, обратился в Храм Господень к познанию Божества, сего ради вопием ти сице:
Радуйся, хитрости демонские различивый.
Радуйся, прелести служения его обличивый.
Радуйся, змия лукавого посрамивый.
Радуйся, мудрых мира сего мудрейший.
Радуйся, разумных разумнейший.
Радуйся, священномучениче Киприане, скорый помощниче и молитвенниче о душах наших.
Кондак 3
Сила Вышнего просвети ум твой, егда не имаши успеха в чародействии Аглаиде ко Иустинии, бесы рекут ему: Мы Креста боимся и теряем силу, когда молится Иустиния. Он же рече им: Аще вы Креста боитесь, то Распятый на Кресте сильнее Креста, и познав cлабость бесовскую, пошел в Храм Господень пети со всеми верными: Аллилуйа.
Икос 3
Имея ум, просвещенный силою свыше, Киприан Идет к пресвитеру и
просит крещения, но той, убоявшись, отказал ему. Он же идет в Храм Господень, и стоя на литургии, не вышел из храма, когда диакон возгласил: “Оглашении, изыдите!” Не выйду, сказал Киприан, пока не крестиши меня. Мы же, радующиеся твоему вразумлению, поем ти таковая:
Радуйся, силою свыше освященный.
Радуйся, Господом вразумленный.
Радуйся, силу креста познавый.
Радуйся, демонов от тебя отгнавый.
Радуйся, жизнь свою исправивый.
Радуйся, стопы в церковь направивый.
Радуйся, священномучениче Киприане, скорый помощниче и молитвенниче о душах наших.
Кондак 4
Буря помышлений обдержащих тя, како прияти крещение. Он же взял свои чародейские книги, несет на середину города и сжигает их, поя Богу: Аллилуйа.
Икос 4
Услышав о тебе пресвитер, о благом намерении быть христианином, крестит тебя и поставляет чтецом в храме, сего ради вопием ти сице:
Радуйся, духов злобы победивый.
Радуйся, чародейские книги попаливый.
Радуйся, святое крещение приявый.
Радуйся, пресвитером наставленный.
Радуйся, чтецом в церкви поставленный.
Радуйся, священномучениче Киприане, скорый помощниче и молитвенниче о душах наших.
Кондак 5
Боготканную одежду святого крещения приявше, усиленнно молился Богу о прощении грехов прежде совершенных и о всех христианах, поя Богу: Аллилуйа.
Икос 5
Видевше пресвитер подвиги и труды твоя, священномучениче Киприане, пост, многонощное бдение, коленопреклонение, слезные молитвы, и по прошествии месяца ставит тя диаконом. Мы же, благодаряще Бога, восхваляем ты:
Радуйся, день и ночь к Богу взывавый.
Радуйся, руце свои к нему простиравый.
Радуйся, о прощении Того просивый.
Радуйся, слезные молитвы ему приносивый.
Радуйся, путь спасения познавый.
Радуйся, пламенную любовь к Богу показавый.
Радуйся, священномучениче Киприане, скорый помощниче и молитвенниче о душах наших.
Кондак 6
Проповедник истины Христовой явился еси, славный священномучениче Киприане, поревновавый духовным Апостолам, просвещая люди Христовым учением, они же, познавши Господа Христа, поют ему: Аллилуйа.
Икос 6
Возсия в сердце твоем свет Божественной благодати, вознесе тя на высоту духовного совершенства, достигнеши сана священника, а потом во епископа посвященный, молим тя, молитвами твоими просвети и наша сердца, тепло молящихся тебе:
Радуйся, в сан епископа освященный.
Радуйся, на высоту орла вознесенный.
Радуйся, граде, верху горы стоящий.
Радуйся, светильниче, пред Богом горящий.
Радуйся, священномучениче Киприане, скорый помощниче и молитвенниче о душах наших.
Кондак 7
Хотя Господь всем спастися, даровав нам дивного молитвенника, заступника и целителя от духов злобы поднебесной, дела бо и словесы твоими приводит еси многих к покаянию и исправлению греховной жизни, научая всех пети Богу:Аллилуйа.
Икос 7
Новый мудрейший врач показался еси миру, священномучениче Киприане, како по молитве твоей никакие чародейские дела противостояти не могут и прогоняются от злых человек пущенныя и лукавых бесов, мы же видяще в тебе дарованную Божию силу, вопием ти сице:
Радуйся, волшебных козней разрушителю.
Радуйся, страшных бесов прогонителю.
Радуйся, от него же духи злобы яко дым исчезают.
Радуйся, тяжко мучимых скоро оставляют.
Радуйся, от бед и скорбей скоро избавляющий.
Радуйся, страдание в радость обращающий.
Радуйся, священномучениче Киприане, скорый помощниче и молитвенниче о душах наших.
Кондак 8
Странное чудо является притекающим к тебе верою, священномучениче Киприане, ибо данною тебе от Бога благодатию изгоняти духи нечистыи, мучающии человека, бесы изгоняются, больные исцеляются и поют Богу: Аллилуйа.
Икос 8
Всем сердцем предавшийся Богу и всею душею возлюбил еси Его, все свое тщание и желание и сполняти волю Его. Ты же яко пастырь добрый, не отринул бедами отягченных, но предстательствуеши в молитвах пред Богом, даруеши исцеление и утешение. Мы же, восхваляюще любовь твою к Богу, вопием ти сице:
Радуйся, всем сердцем Христа возлюбивый.
Радуйся, все добродетели усовершивый.
Радуйся, недугующим и расслабленным помощение.
Радуйся, в скорбях и печалях утешение.
Радуйся, всех наветов и искушений от мира, плоти и диавола находящих прогонителю.
Радуйся, всех болезней душевных и телесных исцелителю.
Радуйся, священномучениче Киприане, скорый помощниче и молитвенниче о душах наших.
Кондак 9
Вся ангельская воинства возвеселися, видя тя, воина Царя Небесного непоколебима и со дерзновением проповедал Христа, егда веден был на мечное усечение вместе со Иустиною, ты же болезновал еси за нее, да не отречется она Христа, егда увидит тя усекнута, и сперва тебе, а потом мене; и приклонив под меч главы своя, воспели Богу: Аллилуйа.
Икос 9
Ветии многовещанные не возмогут по достоянию восхвалити страдания
ваша за Христа, не убоятся бо прещений лютых, но со светлыми лики
предстояли судилищу цареву, воздвизая всех верных воспевати вам сице:
Радуйся, веры Христовой непоколебимые исповедники.
Радуйся, Пресвятыя Троицы дерзновенные проповедницы.
Радуйся, мучения лютая ни во что вменивша.
Радуйся, страдания ваша в Храмах Божиих величаются.
Радуйся, священномучениче Киприане, скорый помощниче и молитвенниче о душах наших.
Кондак 10
Спасти хотя души всех одержимых нечистыми духами, не преставая взывати ко Господу, священномучениче Киприане,тебе бо дадеся благодать молитися за ны, да помилованные и очищенные воспоем Богу: Аллилуйа.
Икос 10
Стена твердая и крепкая буди нам, священномучениче Киприане, с теплой верою и любовию к тебе прибегающим, от враг видимых и невидимых, да огражденные и спасенные тобою, воспоем ти сице:
Радуйся, смирением духов злобы победивый.
Радуйся, огнем молитвы стрелы вражии попаливый.
Радуйся, от враг видимых и невидимых стено и ограждение.
Радуйся, прелюбимое скорбящих утешение и увеселение.
Радуйся, священномучениче Киприане, скорый помощниче и молитвенниче о душах наших.
Кондак 11
Пение непрестанное Пресвятой Троице паче иных принеси еси, священномучениче Киприане, за Его милость к падшим грешником благоволивый, от недостойного достойному быти и сочислитися святому стаду Его, мы же, благодаряще Бога за таковую милость к нам, грешным, зовем: Аллилуйа.
Икос 11
Светозарная свеща был еси Богомудре в Церкви Христове, просвещая
невещественным светом души верных, молимся: просвети и наша грехом омраченные сердца, поющих тебе таковая:
Радуйся, яко Господь милость свою к падшим грешникам на тебе показавый.
Радуйся, из рова погибели, яко овча заблудшее изьявый.
Радуйся, от недостойного достойному быти сотворивый.
Радуйся, к святому стаду Своему сопричисливый.
Радуйся, светом невещественным души верных просвещаеши.
Радуйся, заблудших на путь правый наставляеши.
Радуйся, священномучениче Киприане, скорый помощниче и молитвен ниче о душах наших.
Кондак 12
Благодать дана ти от Господа Бога попирати силу вражию и всякое сатанинское нахождение, победил бо еси враги твоя, и мученическим подвигом запечатлел еси, ныне же, предстоя престолу Царя Славы, молися за нас, да избавимся от пленения диавольского, да избавленные, вопием Богу: Аллилуйа.
Икос 12
Поюще твою ревность по Бозе, дивная и преславная чудеса, величаем и восхваляем ты, священномучениче Киприане, за таковую благодать от Бога приемшую, молим тя, егда в час смерти нашей демонские полчища окружат душа наша, тогда яви нам заступление твое, да избавленнии тобою, воззовемм ти сице:
Радуйся, от находящих вражих сил скорое защищение.
Радуйся, всевозможных скорбей и печалей избавление.
Радуйся, Христа до конца возлюбивый.
Радуйся, душу свою за него положивый.
Радуйся, в крови Агнчей омывыйся.
Радуйся, во дворех Господних вселивыйся.
Радуйся, священномучениче Киприане, скорый помощниче и молитвенниче о душах наших.
Кондак
О предивный и преславный угодниче Божий, священномучениче Киприане, скорый помощниче всем к тебе прибегающим, приими от нас, недостойных, хвалебное пение наша, от многообразных недугов исцели, от враг видимых и невидимых заступи и вечного мучения избавитися нам Господа умоли, да с тобою воспеваем: Аллилуйа, Аллилуйа, Аллилуйа. (трижды)
Затем Икоc 1 и Кондак 1.
Молитва
О Святый угодниче Божий, священномучениче Киприане, скорый помощниче и молитвенниче о всех к тебе прибегающих. Приими от нас, недостойных, хваление наше, и испроси нам у Господа Бога в немощах укрепление и всем вся полезная жизни нашей. Вознеси ко Господу благомощную твою молитву, да оградит нас от падений наших греховных, да научит нас истинному покаянию, да избавит нас от пленения диавольского и всякого действия духов нечистых, и избавит от обидящих нас. Буди нам крепкий поборник на все враги видимые и невидимые, во искушении подаждь нам терпение, и в час кончины нашей яви нам заступление от истязателей на воздушных мытарствах, тобою достигнем Горняго Иерусалима и сподобимся в небесном Царствии со всема святыми славити и воспевати Пресвятое Имя Отца и Сына и Святого Духа, во веки веков. Аминь.
ТРОПАРЬ СВЯЩЕННОМУЧЕНИКУ КИПРИАНУ
Глас 4:
И нравом причастник,/ и престолом наместник апостолом быв,/ деяние обрел еси, Богодухновенне/ и видения восход:/ сего ради, слово истины исправляя,/ и веры ради пострадал еси даже до крове,/ священномучениче Киприане,/ моли Христа Бога/ спастися душам нашим.
МОЛИТВА СВЯЩЕННОМУЧЕНИКУ КИПРИАНУ И МУЧЕНИЦЕ ИУСТИНЕ
О святии священномучениче Киприане и мученице Иустина!
Внемлите смиренному молению нашему. Аще бо временное житие ваше мученически за Христа скончали есте, но духом от нас не отступаете есте, присно по заповедем Господним шествовати нас научающе и крест свой терпеливо нести нам пособствующе. Се, дерзновение ко Христу Богу и Пречистей Его Матери стяжали есте. Темже и ныне будите молитвенницы и ходатаи о нас недостойных (имена). Будите нам заступницы крепции, да заступлением вашим сохраняеми, невредимы от бесов, волхвов и от человек злых пребудем, славяще Святую Троицу, Отца и Сына и Святаго Духа, ныне и присно, и во веки веков. Аминь.
МОЛИТВА ОТ ЧАРОДЕЙСТВА
Господи Иисусе Христе, Сыне Божий, огради мя святыми Твоими Ангелы, молитвами Всепречистыя Владычицы нашея Богородицы и Приснодевы Марии, силою Честнаго и Животворящаго Креста, святаго архистратига Божия Михаила и прочих Небесных сил безплотных, святаго пророка, Предтечи и Крестителя Господня Иоанна, святаго Апостола и евангелиста Иоанна Богослова, священномученнка Киприана и мученицы Иустины, святителя Николая, Архиепископа Мир Ликийских, Чудотворца, святителя Льва, епископа Катанскаго, святителя Никиты Новгородскаго, святителя Иоасафа Белгородскаго, святителя Митрофана Воронежскаго, преподобнаго Сергия, игумена Радонежскаго, преподобных Зосимы и Савватия Соловецких, преподобнаго Серафима Саровскаго, чудотворца, святых мучениц Веры, Надежды, Любови и матери их Софии, святаго мученика Трифона, святых и праведных Богоотец Иоакима и Анны и всех святых Твоих, помози мне, недостойному рабу Твоему (имя молящагося), избави мя от всех навет вражиих, от всякаго зла, колдовства, волшебства, чародейства и от лукавых человек, да не возмогут они причинити мне никоего зла. Господи, светом Твоего сияния сохрани мя заутра и полудне, и вечер, и на сон грядущаго и силою Благодати Твоея отврати и удали всякая злая нечестия, дёйствуемая по наущению диавола. Аще кое зло замыслено или соделано есть, возврати его паки в преисподнюю. Яко Твое есть царство, и сила, и слава Отца и Сына и Святаго Духа. Аминь.